ნევრასთენია

ნევრასთენია - ნევროზის ერთ-ერთი სახეა, რომელიც გამოხატულია ნერვული სისტემის აშლილობით. ავადმყოფს ახასიათებს გაღიზიანებადობა, ფხიზელი ძილი, გულისცემის გახშირება, თავის ტკივილები, საერთო სისუსტე, ავადმყოფური რეაქციები ხმაურზე, შუქზე და ა.შ.


ნევრასთენიის მკურნალობა ხალხური მედიცინის რეცეპტებით


ვ ა ლ ე რ ი ა ნ ა ს ძ ი რ ე ბ ი
* 1 ჩაის კოვზ ვალერიანას დაქუცმაცებულ ფესვებს ასხამენ 1 ჩაის ჭიქა მდუღარე წყალს. აჩერებენ 20 წთ. სვამენ თბილ ნაყენს ძილის წინ.

* 1 სუფრის კოვზ ვალერიანას ძირებს ასხამენ 1 ჩაის ჭიქა ცივ წყალს. აჩერებენ 6-8 სთ. წურავენ.
მიღება: თითო სუფრის კოვზი 3-ჯერ დღეში. ბავშვებს ჩაის კოვზით.

შ ა ვ ბ ა ლ ა ხ ა
1-2 სუფრის კოვზ შავბალახას ასხამენ 1 ჩაის ჭიქა მდუღარეს. აჩერებენ გაციებამდე. წურავენ. ღებულობენ 1-2 სუფრის კოვზს 3-5-ჯერ დღეში 20 წუთით ადრე ჭამამდე.

წ ი თ ე ლ ი კ უ ნ ე ლ ი
* 1 სუფრის კოვზ კუნელის დაჩეჩქვილ ნაყოფებს ასხამენ 1 ჩაის ჭიქა მდუღარეს. აჩერებენ 2 სთ. (ჰაერღუმელში ან თერმოსში). ღებულობენ 1-2 სუფრის კოვზს 3-ჯერ დღეში ჭამის წინ.
* იღებენ წითელი კუნელის ყვავილსა და ნაყოფს. 2 სუფრის კოვზ ნაკრებს ასხამენ 3 ჩაის ჭიქა მდუღარეს. აჩერებენ თერმოსში 2 სთ. წურავენ. ღებულობენ 1/2 ჩაის ჭიქას დღეში 3-ჯერ ჭამამდე 30 წუთით ადრე.

ბ ა რ ა მ ბ ო
2 სუფრის კოვზ დაქუცმაცებულ ბალახს ასხამენ 2 ჩაის ჭიქა მდუღარეს. წურავენ გაციებულს. ღებულობენ 1 დღის განმავლობაში.

კ ა კ ა ლ ი, ქ ი შ მ ი შ ი, ყ ვ ე ლ ი
ტიბეტური მედიცინის რჩევით ღებულობენ ყოველდღიურად ერთ მიღებაზე 30 გრ კაკალს, 20 გრ ქიშმიშს და 20 გრ ყველს. ეს საშუალება ხსნის დაღლილობას, თავის ტკივილს, აძლიერებს გულის კუნთსა და ნერვულ სისტემას.

თ ა ფ ლ ი
1 ჩაის ჭიქა თბილ წყალში გახსნილი 1 სუფრის კოვზი თაფლის მიღება ძილის წინ მოქმედებს როგორც საძილე საშუალება. ამშვიდებს ნერვულ სისტემას.

გააფართოვეთ თემა: ნევრასთენია