ფაღარათი (კუჭაშლილობა)

ჩვილი ბავშვები ფაღარათს ძნელად იტანენ. ამ დაავადების მიზეზი შეიძლება გახდეს ზედმეტი საკვების მიღება, ზედმეტად ცხიმიანი ძროხის რძე, მეძუძური დედის მიერ მიღებული საკვები და სხვა. ზოგჯერ კუჭში გასვლას ადგილი აქვს 20-ჯერ დღე-ღამის განმავლობაში.
ფაღარათი შეიძლება ნიშანი იყოს რომელიმე მძიმე დაავადებისა, ამიტომ აუცილებელია ექიმის კონსულტაცია. ოჯახის პირობებში კი შეგიძლიათ ხალხური საშუალებებით დაეხმაროთ ბავშვს.


ხალხური მედიცინა ფაღარათის სამკურნალოდ


ბ რ ი ნ ჯ ი ს ნ ა ხ ა რ შ ი
1 ჩაის კოვზ გარჩეულ, გარეცხილ ბრინჯს ასხამენ 6-7 ჩაის ჭიქა წყალს და ადუღებენ ნელ ცეცხლზე ბრინჯის დაშლამდე. შემდეგ ნახარშს წურავენ, აციებენ და აძლევენ ბავშვს 1/3 ჩ.ჭ. თბილი სახით ყოველ 2 საათში.

ბ რ ო წ ე უ ლ ი ს ქ ე რ ქ ი
1 ჩაის კოვზ ბროწეულის მშრალ ქერქს ასხამენ 1 ჩაის ჭიქა წყალს, ადუღებენ 10-15 წთ, აჩერებენ, ფუთავენ 2 სთ და წურავენ.
მიღება: 1 სუფრის კოვზი დღეში 3-ჯერ ჭამამდე. ჩვილ ბავშვებს აძლევენ ჩაის კოვზით.

მ ა ყ ვ ა ლ ი
ა) 4 ჩაის კოვზ მაყვლის ფოთლებს ასხამენ 2 ჩაის ჭიქა მდუღარეს. აჩერებენ შეფუთულს 2 სთ. შემდეგ წურავენ.
მიღება: 1/2 ჭიქა 4-ჯერ დღეში, ჭამამდე 30 წუთით ადრე.
ბ) მაყვლის მშრალ ნაყოფებს ფქვავენ და ურევენ შაქარს გემოვნებით.
მიღება: 1/2 ჩაის კოვზი 3-ჯერ დღეში წყლით.
ნაყოფი უნდა იყოს ახალდაფქვილი.

კ ა კ ლ ი ს ფ ო თ ლ ე ბ ი
იღებენ 20 გრ კაკლის ახალგაზრდა ფოთლებს ან უმწიფარ ნაყოფებს. ასხამენ 200მლ მდუღარეს. აჩერებენ 20 წთ.
მიღება: 1 სუფრის კოვზი დღეში 3-ჯერ.
ეს საშუალება მიიღება კუჭისა და ნაწლავების კატარის, ფაღარათის, რაქიტისა და დიათეზის დროს.

მ უ ხ ი ს ქ ე რ ქ ი
დიზენტერიისა და დისპეპსიის დროს ბავშვს უკეთებენ ოყნას 3 ნაწ. მუხის ქერქის ნახარშისა და 1 ნაწ. სახამებლის ნარევით.

თ ა ფ ლ ი
დიზენტერიით დაავადებულ ბავშვს ექიმის მიერ გამოწერილ წამალთან ერთად აძლევენ 30-60 გ თაფლს დღის განმავლობაში. ამ დროს დიზენტერიის ჩხირები ქრება განავლიდან უფრო ჩქარა, ვიდრე ერთი საშუალებით მკურნალობის დროს.

გააფართოვეთ თემა: ფაღარათი (კუჭაშლილობა)